我上次去深水埗是兩星期前，通常都是因為要買畫布。

我先去了一間叫"藍山咖啡"的小店買一杯藍山咖啡，這個地方我去過兩次，有兩個阿姐一個下廚一個整咖啡，好似好多街坊叫外賣所以佢地都好忙。我記得兩次都有同佢地講d咖啡好好飲，跟住佢地就會好開心，然後我就會想下次去深水埗一定會再去飲咖啡。

之後就行去有好多鐵皮檔條街買畫布，我會先去"利生"探一探婆婆，婆婆都係好nice好好人，佢會叫我做阿妹。兩、三年前這一檔是由伯伯打理的，佢通常都會見我係學生又成日幫襯所以就會賣得平又剪得特別多俾我，後來伯伯過左身，就由婆婆睇鋪。記得有一次在伯伯過身不久，我去買布跟婆婆傾計，她談起伯伯的時候就哭了起來，好凄凉，那次我是意想不到的。我記得他們好像有兩個兒子，話好叻仔生性，他們根本不需要擔心生計，但婆婆話冇野做會好悶所以繼續看鋪，隔離檔阿伯好像是她和伯伯的朋友。依家"利生"只有好少貨賣，婆婆話依家d布來貨好貴所以入少左，我都儘量會幫襯佢，同埋希望下次探佢記得帶d生果。

另外有一次試過俾印巴藉人士摸，都是意想不到的，Samuel想追上前打佢但o個個人已經唔見左。

Sarah Lai 15/3/2011