做PROJECT

我上一次去深水埗是上星期三, 在基隆街買了布, 鴨寮街買左個mic, 再到桂林街間文具店買野, 每次去都可以一次過買齊各種的用品, 還會必吃5蚊兩串咖哩魚旦, 和公和豆花煎豆卜，再去對面黃金高登買墨買電腦野, 都會因為便利, 美食和便宜令我好滿足。

記得有次做PROJECT, 研究深水埗的民生, 我留意到一個MOBILE FLEA MARKET, 於入夜後, 北河街與桂林街交界便會聚集好多人, 尤其是男人, 多是南亞裔或老年人，他們手持二手貨, 手提電話或電子儀器, 三五成群, 或徘徘徊徊在互相”DULL”售，是一個流動的二手市場，氣氛卻很神秘, 可能同時在留意有冇警察。我在旁邊, 用NO FLASH MODE 影相, 影得幾張, 有個阿伯走近來問, 個相機係咪賣, 我說不是, 做PROJECT,影D相, 他說, 跟我來有D野同你講, 於是我跟前去, 一邊行, 他一邊說, 人地賣野, 你唔好係度惹事呀。於是我追問了幾句關於那班人在幹什麼的事。走到街口, 還沒答完我的問題, 他就往別處去。事後其實不是太記得對話的內容, 但感覺我好像被他護送了出來, 欠佢一句”唔該”。

深水埗, 我是非常喜歡的, 因為舊, 因為平民, 所以好有人情味。
瑞芳 22/3/2011